|
SubscriptionsSites I Read
|
|
|
|
| 剛番左香港一次, 感覺超級爽! 好開心見到爸爸媽咪, 先知道原來好多人都唔識珍惜身边既一切, 直至到唔係身边既時候先会開始好掛念.... 雖然番左香港大出血,又肥左5磅, 但係好開心XD, 覺到十日既時間過得超快, 又要番去雪櫃 (北京).....>< 果個北京PK真係老鳳, 我一落機就同我攞禮物, 咁我送左個袋比佢喇, 仲要一句"唔該" or "多謝"都冇! 仲話我好唔幫佢買煙....=.= 呢個PK仲話佢件豬扒女友咋形, 話点解我唔買禮物比佢....x佢!! 呢個PK同件豬扒成日都老鳳地要我食飯埋單架啦, 我好唔鐘意咁, 好似當我水魚咁 >< 呢個PK係公司請比我既assistant, 我番hk之前10日, 屋企电話停左(冇交电話費)我巳經叫左佢幫我交, 点知到我番黎都未交, 仲要一D唔好意思都冇, 朱多藉口.....喂! PK呀PK, 你好似屋企楼下巳經有得交啦喎, 点解你咁PK既? 內地人D公民教育真係好鬼差....前兩日被邀請同D同事上個經理度食飯.....wa....真係死得! 唔用公筷不特只, 尤其係果個PK仲啜完自己双筷子再去 liu D餸....搞到我成餐飯淨係食左條菜.... 我唔会再委屈自己!! 要捁訴!! | | |
| 今日父母離開北京....午飯過後, 我同我公司同事(速速)送Alan同爸爸媽咪去機場......一路上個心都一路諗住"北京同香港好近姐....半年至一年時間好快過姐......."到機場臨別果陣到一直提醒自己呢句說話....加上唔想係速速面前有咩異样,懶堅强咁! 点知爸爸突然打黎,同我講左好多叮囑既說話, 媽咪又係咁, 連Alan都係咁, Alan 最後仲講左句"華山再見" 搞到我 D 眼淚突然湧上黎係咁打滾, 好采忍住, 冇流出黎, 唔係比速速見到..... 洗走左速速, 終於自己可以上左架的士.......冇人睇住, D眼淚好似放監咁.....bla bla bla...........heh........ 唔想自己一個人返屋企, 約左諾諾食飯行公司, 我今日好乖冇亂洗錢, 淨係買左对保暖既手套同護耳, 但係買唔到水機 >< 我好掛住爸爸媽咪..... | | |
| 我終於到左北京...北京好凍, 依家只係十月份, 已經好凍, 下午過後只有十一、ニ度, 但見街上既人只著短袖, 而我就好似異形咁, 著好多衫, 好多人都上下打量我.... 依家只係十月(秋天尾)点先可以捱過呢個冬天呢? 好多人話北京係凍得好可怕...加上呢度既濕度只有百份之ニ十....可以想像嗎? 仲有呢度既水係一個非常嚴重既問題, 跟本不適宜飲用, 今日聽個朋友話大大部份既外地人黎到北京都係買蒸溜水番屋企, 唔会飲自來水, 否則一定嚴重脱髮.....又有一個北京朋友話依度係三、四月都有大风沙, 好多人都披面沙或面罩出街....在咁惡劣既環境下長期工作......我.....可能嗎? 開始工作了....好唔適應呢度既工作環境, 人和事同香港比較都好唔同.....我攰了, 突然想瞓覺.....聽日再寫. | | |
| About U...I am so happy to meet u....u are so sweet and nice, i can release myself when i was talking to you, you are such a good listener......i like you so much ^^Thank you for everything......you are a special gift from god....^0^ | | |
| 一向不喜歡外出的我,今天終於下定決心買下我將要長居北京所需的日用品....
很少會一下子花了萬多兩萬元去買那些護膚品呀, 日用品呀等等, 不禁有點"肉痛"... 但一想到將要獨自離開朋友、家人和我的家, 孤身一人踏上陌生的北京去開拓事業上新的發展, 心裡又是難堪又是開心, 這種復雜的心情早就把那"肉痛"的感覺拋諸腦後... 很多網友和我未曾見過, 雖然每天親切的談話, 窩心的問候, 甚至無聊的寒喧, 但始終是素未謀面......你們仍然會說不捨得我, 是想我留下, 還是想Rose留下? 是北京這個地方令我們都覺得彼此的感覺又再拉得遠一些嗎? 很清楚知道我走了之後, 家人會掛念我, 朋友會想念我, 但他....他會想我嗎? 今天心情像益力多......又酸又甜.. p.s. 再仔細想想, 今日買溜左2個夾....=.= | | |
|
